ANNULI Pronubi

ANNULI Pronubi

apud Hebraeos: arcessuntur nonullis ab aevo Mosaico, vel saltem Esaiae Prophetae, nixis auctoritate locorum Exodi c. 35. v. 22. et Esaiae c. 3. v. 21. sed in cultu seu mundo tantum ibi censeri annulos manifestum attentius consideranti est. Cerre nummulus seu nummuli valor, velut Sponsalitii contractûs sive arrae sive pretium, Sponsae antiquitus dari consuevit; cuius locum postea cum videtent Hebraei apud alias gentes annulum occupâsle in nuptiis, visum etiam iis est eundem non raro adhibere et Gap desc: Hebrew quô Fortunam precantur bonam, in eo inscribere. Sed adhibere non quâ Annulus est, verum tantummodo, quâ pretii seu nummuli locum occuparet, docet Seldenus Uxor. Ebraic. l. 2. c. 14. Vide quoque infra in voce Nuptialis Annulus.